کرکٹر حسن علی کا اہلیہ کی سالگرہ پر محبت بھرا پیغام
قومی کرکٹ ٹیم کے فاسٹ بولر حسن علی نے اہلیہ سامعہ خان کی سالگرہ کے موقع پر محبت بھرا پیغام شیئر کرتے ہوئے کہا کہ سامعہ کا میری زندگی میں شامل ہونا میری ایک بڑی خوش قسمتی ہے۔
سوشل میڈیا سائٹس پر جاری پیغامات میں حسن علی نے اہلیہ کے ہمراہ یادگار تصویر شیئر کی، اور سامعہ کو سالگرہ کی مبارکباد دی۔
انہوں نے لکھا کہ ’میری پیاری ، خوبصورت بیوی کو سالگرہ بہت مبارک ہو، آپ میرے دل کے قریب ہیں اور ہر دلعزیز شخصیت ہیں۔‘
حسن علی نے اہلیہ کو مخاطب کرتے ہوئے لکھا کہ ’میں ہر دن آپ کی محبت میں گزارتا ہوں، آپ ایک حیرت انگیز عورت ہیں، میں خوش قسمت آدمی ہوں کہ آپ میری زندگی میں شامل ہیں۔‘
واضح رہے کہ 20 اگست 2019 کو حسن علی بھارتی دوشیزہ سامعہ آرزو کے ساتھ رشتہ ازدواج میں منسلک ہوئے تھے۔ جوڑے نے حال ہی میں اپنے گھر نئے مہمان کی آمد کی خوشخبری سنائی تھی۔
سامعہ آرزو متحدہ عرب امارات میں مقیم ہیں لیکن وہ گوجرانوالہ بھی آتی رہتی ہیں۔
یاد رہے کہ حسن علی کی اہلیہ سامعہ آرزو کا تعلق بھارتی ریاست ہریانہ سے ہے، انہوں نے مانو رچنا یونیورسٹی سے ایرو ناٹکس کی ڈگری حاصل کر رکھی ہے۔
سامعہ آرزو متحدہ عرب امارات (یو اے ای) کی ایمریٹس ایئرلائن میں بطور فلائٹ انجینئر خدمات سر انجام دیتی ہیں۔
Comments are closed.