کراچی: پارک کی بحالی کا معاملہ، مدینہ مسجد پر احتجاجی کیمپ قائم، جمعہ کو ریلی ہوگی
کراچی میں سپریم کورٹ کے حکم پر طارق روڈ کے پارک کی بحالی اور مسجد کے انہدام کے فیصلے کے خلاف احتجاجی کیمپ قائم کردیا گیا جبکہ نماز جمعہ کے بعد ریلی نکالنے کا اعلان بھی کردیا گیا ہے۔
پولیس حکام کے مطابق فیروز آباد تھانے کی حدود پی ای سی ایچ سوسائٹی میں طارق روڈ پر واقع مدینہ مسجد کے باہر انتظامیہ کی جانب سے احتجاجی کیمپ لگا دیا گیا ہے۔
کل بعد نماز جمعہ احتجاج کی کال کے بینرز بھی لگا دیے گئے ہیں۔
پولیس کے مطابق بینرز پر درج کیا گیا ہے کہ 31 دسمبر کو نماز جمعہ کے بعد مدینہ مسجد سے بہادر آباد چورنگی تک احتجاجی ریلی بھی منعقد کی جائے گی۔
پولیس حکام کے مطابق احتجاج کے موقع پر ممکنہ گڑبڑ سے نمٹنے کیلئے پولیس کو الرٹ کردیا گیا ہے۔
بشکریہ جنگ
Comments are closed.