کراچی میں پانی کی فراہمی متاثر ہونے کا خدشہ

کرچی میں بجلی کے بریک ڈاؤن کی وجہ سے تمام پمپنگ اسٹیشنز کے فیڈرز ٹرپ ہو گئے جس کی وجہ سے شہر بھر میں پانی کی فراہمی متاثر ہو سکتی ہے۔

واٹر بورڈ حکام کے مطابق شہرِ قائد میں فیڈرز ٹرپ ہونے کے باعث تمام پمپنگ اسٹیشنز سے پانی کی سپلائی مکمل بند ہو گئی ہے۔

واٹر بورڈ حکام کا کہنا ہے کہ اس ضمن میں کے الیکٹرک انتظامیہ کو اطلاع دے دی گئی ہے۔

بجلی کے بریک ڈاؤن پر وزارتِ توانائی کا بیان سامنے آ گیا جس میں اس بریک ڈاؤن کی وجوہات بتائی گئی ہیں۔

واٹر بورڈ حکام کا یہ بھی کہنا ہے کہ پمپنگ اسٹیشنز پر متبادل ذرائع سے پمپنگ کی بحالی کا کام جاری ہے۔

واضح رہے کہ کراچی سمیت صوبۂ سندھ اور ملک کے دیگر شہروں میں بجلی کا بڑا بریک ڈاؤن ہوا ہے جس کی وجہ سے بجلی کی فراہمی معطل ہو گئی ہے۔

بشکریہ جنگ