کراچی میں طویل لوڈ شیڈنگ سے بچوں کی تعلیم بری طرح متاثر ہو رہی ہے، سعید غنی

پیپلز پارٹی کراچی کے صدر سعید غنی نے کہا ہے کہ کراچی میں طویل لوڈ شیڈنگ سے بچوں کی تعلیم بری طرح متاثر ہو رہی ہے۔ 

سعید غنی نے کہا کہ کےالیکٹرک نے کئی علاقوں میں 14 گھنٹے سے زائد کی لوڈ شیڈنگ شروع کی ہے۔ 

 اپنے ایک بیان میں پیپلز پارٹی کراچی کے صدر  نے کہا کہ ظالمانہ لوڈ شیڈنگ سے بزرگ اور بیمار شہری اذیت میں مبتلا ہیں۔ کےالیکٹرک کی وجہ سے شہر کے کئی علاقوں میں پانی کی فراہمی متاثر ہو رہی ہے۔ 

سعید غنی نے کہا کہ کےالیکٹرک پرامن احتجاج کرنے والے شہریوں پر مقدمات درج کرا رہی ہے۔ 

انہوں نے کہا کہ کےالیکٹرک فوری طور شہریوں سے زیادتی بند کرے۔ انہوں نے کہا کہ نگراں وزیراعلیٰ سندھ کےالیکٹرک کے رویے کا فوری نوٹس لیں۔

بشکریہ جنگ