کراچی میں آج سے گرمی بڑھنے کی پیش گوئی

کراچی میں آج سے گرمی کی شدت میں اضافے کا امکان ہے، درجہ حرارت معمول سے 4 سے 6 ڈگری زائد رہنے کا امکان ہے۔

محکمہ موسمیات کا کہنا ہے کہ کراچی میں آج درجہ حرارت 38 ڈگری تک جا سکتا ہے۔

ڈائریکٹر محکمہ موسمیات کے مطابق مارچ کا معمول کا اوسط درجہ حرارت 32.4 ڈگری رہا ہے جبکہ اب کراچی کا درجہ حرارت 36 سے 38 ڈگری سینٹی گریڈ تک جانے کا امکان ہے۔

محکمہ موسمیات کے مطابق شمال مغرب سے خشک اور گرم ہوائیں چلیں گی، 30 مارچ کے بعد ہیٹ ویوز بھی آئیں گی۔ مغربی سسٹم رخصت ہونے کے باعث ہواؤں کا رُخ تبدیل ہوگا، کراچی میں شمال مغرب سے خشک اور گرم ہوائیں چلیں گی۔

بشکریہ جنگ