کراچی میں آج بھی ہلکی بارش کی پیش گوئی

محکمۂ موسمیات کے ڈائریکٹر سردار سرفراز نے پیش گوئی کی ہے کہ ملک کے سب سے بڑے شہر کراچی میں آج کہیں کہیں ہلکی بارش ہو سکتی ہے۔

محکمۂ موسمیات کے ڈائریکٹر سردار سرفراز کا کہنا ہے کہ ملک کے سب سے بڑے شہر کراچی میں آج بھی دوپہر 2 سے 3 بجے کے دوران بارش متوقع ہے۔

یہ بات محکمۂ موسمیات کے ڈائریکٹر سردار سرفراز نے میڈیا سے گفتگو کے دوران کہی ہے۔

انہوں نے بتایا کہ بحیرۂ عرب میں سسٹم موجود ہے، جس کے باعث کراچی میں کل کی طرح آج بھی ہلکی بارش ہو سکتی ہے۔

محکمۂ موسمیات کے ڈائریکٹر سردار سرفراز کا کہنا ہے کہ ملک اور صوبہ سندھ کے سب سے بڑے شہر کراچی میں آج دوپہر سے تھنڈر سیلز بننے کا سلسلہ شروع ہو سکتا ہے۔

ڈائریکٹر محکمۂ موسمیات سردار سرفراز کا مزید کہنا ہے کہ خلیجِ بنگال میں بننے والا سائیکلونک طوفان تمام نمی اپنی جانب کھینچ رہا ہے۔

انہوں نے یہ بھی بتایا کہ 28 ستمبر سے 2 اکتوبر کے دوران سندھ بھر میں بارشیں متوقع ہیں۔

بشکریہ جنگ