کراچی میں اساتذہ کا مردم شماری کیلئے ڈیوٹی سے انکار

کراچی میں مردم شماری کیلئے تعینات اساتذہ نے ڈپٹی کمشنر ملیر کے دفتر کے باہر ڈیوٹی الاؤنس اور ٹرانسپورٹ کی عدم فراہمی کے خلاف احتجاج کرتے ہوئے ڈیوٹی دینے سے انکار کردیا۔

اساتذہ کا ڈپٹی کمشنر ملیر کے دفتر کے باہر احتجاج کرتے ہوئے کہنا تھا کہ ڈیوٹی الاؤنس نہیں دیا جارہا ہے اور نہ ہی کسی قسم کی سیکیورٹی فراہم کی جا رہی ہے۔

انہوں نے کہا کہ اپنی جیب سے روزانہ کرایہ ادا کرکے ڈیوٹی دے رہے ہیں، مردم شماری کی ڈیوٹی کے دوران پولیس اہلکار تعینات کرنے کا وعدہ بھی کیا گیا تھا، وہ بھی فراہم نہیں کیے گئے۔

اساتذہ کا مزید کہنا تھا کہ جب تک بنیادی چیزیں فراہم نہیں کی جاتیں ڈیوٹی نہیں کریں گے۔

بشکریہ جنگ