کراچی: لیاری کے گھر میں گیس لیکیج سے آتشزدگی، 5 افراد جھلس گئے

کراچی میں لیاری کے علاقے میراں ناکہ کی محمدی مسجد کے قریب واقع گھر میں گیس لیکیج کے باعث آگ لگ گئی، جس سے 5 افراد جھلس گئے۔

ریسکیو ذرائع کے مطابق گھر میں لگنے والی آگ کے باعث جھلسنے والے 5 افراد میں بچے اور خاتون بھی شامل ہیں جنہیں سول اسپتال منتقل کیا گیا ہے۔

جھلسنے والوں کے نام 40 سالہ عارف ولد غوث محمد، 35 سالہ خاتون سمیرا زوجہ عارف، بچی 13 سالہ عریبہ، 12 سالہ بچہ ایان، 8 سالہ بچی ایمان اور 2 سالہ عنایا معلوم ہوئے ہیں۔

بشکریہ جنگ