کراچی: فلیٹ میں جھلسنے والا 25 سالہ طلحہٰ دم توڑ گیا

کراچی کے علاقے گلشنِ اقبال کے بلاک 11 میں واقع نعمان ٹیرس کے فلیٹ میں آگ لگنے سے جھلسنے والا 25 سالہ طلحہٰ دورانِ علاج دم توڑ گیا۔

دو روز قبل آتشزدگی میں 5 افراد زخمی ہوئے تھے جن میں سے 3 افراد کو سول اسپتال کے برنس وار ڈ منتقل کیا گیا تھا۔

پولیس کے مطابق آگ بجلی کی شارٹ سرکٹ کے باعث فلیٹ میں لگی تھی۔

کراچی شرقی کے علاقے گلشنِ اقبال میں واقع ایک فلیٹ میں آگ لگنے سے 5 افراد جھلس گئے۔

واقعے میں ایک ہی گھر کے خاتون سمیت 5 افراد زخمی ہو گئے تھے، واقعے سے متعلق مزید تحقیقات جاری ہیں۔

بشکریہ جنگ