کراچی سے تعلق رکھنے والا 19 افراد کا مبینہ اجرتی قاتل لاہور میں گرفتار

کراچی میں 19 افراد کے قتل میں ملوث مبینہ اجرتی قاتل کو لاہور میں گرفتار کر لیا گیا۔

ایس پی آپریشنز لاہور حسن بھٹی کے مطابق کارروائی میں منشیات کے 3ڈیلرز کو بھی گرفتار کیا گیا ہے۔

ان کا کہنا ہے کہ مبینہ اجرتی قاتل وصی اقبال کو ٹارگٹ ملنے سے قبل گرفتار کیا گیا ہے۔

لاہور کے علاقے چوہنگ میں تہرے قتل کی واردات میں ملوث 3 اجرتی قاتلوں کو بھی گرفتار کر لیا گیا ہے۔

ایس پی آپریشنز لاہورحسن بھٹی نے بتایا ہے کہ گرفتار تمام ملزمان کا تعلق کراچی کے مختلف علاقوں سے ہے۔

انہوں نے مزید بتایا ہے کہ ان ملزمان کو چند روز قبل گلبرگ کے ایک ہوٹل سے گرفتار کیا گیا تھا۔

ایس پی آپریشنز لاہورحسن بھٹی نے یہ بھی بتایا ہے کہ تینوں ملزمان سے تفتیش شروع کر دی گئی ہے، گرفتار 3 ملزمان کے قبضے سے منشیات بھی برآمد ہوئی ہے۔

بشکریہ جنگ