کراچی سے اغوا ہوئی لڑکی پنجاب سے بازیاب

کراچی میں سرجانی ٹاؤن کے علاقے سے 15 ستمبر کو اغوا ہونے والی 12 سالہ لڑکی کو پولیس نے پنجاب کے شہر لودھراں سے بازیاب کروا لیا۔

پولیس کے مطابق سرجانی ٹاؤن سیکٹر 35 سی سے15 ستمبر کو لاپتہ ہونے والی 12 سالہ لڑکی کو سرجانی تھانے کی انوسٹی گیشن پولیس نے بنجاب کے شہر لودھراں میں کارروائی کرکے بازیاب کرایا۔

لڑکی کو 25 سالہ ملزم شہباز نے شادی کرنے کی غرض سے اغوا کیا تھا۔

پولیس کی کارروائی کے دوران ملزم شہباز فرار ہوگیا تاہم ملزم کے بھائی سمیت 4 رشتہ داروں کو پولیس نے اغوا میں ملوث ہونے کے شبہ میں گرفتار کرلیا ہے۔

بشکریہ جنگ