کراچی: تیز ہواؤں کا سلسلہ تھم گیا

ملک کے سب سے بڑے شہر کراچی میں2 روز سے چلنے والی گرد آلود تیز ہواؤں کا سلسلہ تھم گیا۔

محکمۂ موسمیات کا کہنا ہے کہ اس وقت کراچی میں شمال مغرب کی سمت سے ہوائیں چل رہی ہیں۔

محکمۂ موسمیات نے بتایا کہ شہرِ قائد میں سردی کی موجودہ لہر 27 جنوری تک برقرار رہ سکتی ہے۔

ملک کے سب سے بڑے شہر کراچی میں گزشتہ روز سے چلنے والی تیز گرد آلود ہواؤں کا جھکڑ ایک اور شخص کی جان لے گیا جس کے بعد شہر میں ان تیز جھکڑوں کے باعث پیش آنے والے مختلف حادثات میں جاں بحق افراد کی تعداد 6 ہو گئی۔

محکمۂ موسمیات کا کہنا ہے کہ کراچی میں کم سے کم درجۂ حرارت آج 13 ڈگری سینٹی گریڈ ریکارڈ کیا گیا ہے۔

محکمۂ موسمیات کا یہ بھی کہنا ہے کہ دن کے اوقات میں شہر میں درجۂ حرارت 22 ڈگری سینٹی گریڈ رہنے کا امکان ہے۔

واضح رہے کہ گزشتہ 2 روز چلنے والی تیز گرد آلود ہواؤں کے باعث کراچی شہر کے مختلف علاقوں میں پیش آنے والے حادثات کے نتیجے میں 6 افراد جاں بحق ہوئے ہیں۔

بشکریہ جنگ