کراچی: ایف آئی اے کمرشل بینکنگ سرکل کی کارروائی، 4 ملزمان گرفتار

وفاقی تحقیقاتی ادارے ایف آئی اے کے کمرشل بینکنگ سرکل نے کراچی کے علاقوں کلفٹن تین تلوار اور صدر میں کارروائیاں کرتے ہوئے 4 ملزمان کو گرفتار کر لیا۔

ترجمان ایف آئی اے کے مطابق ڈپٹی ڈائریکٹر ایف آئی اے کمرشل بینکنگ سرکل کراچی رابعہ قریشی کی ہدایت پر ٹیم نے مختلف کارروائیوں میں حصہ لیا۔

ملزمان بغیر لائسنس کے غیر ملکی کرنسی کی خریدو فروخت میں ملوث تھے۔

ملزمان کے قبضے سے 16320 امریکی ڈالرز 364920 روپے اور ہنڈی حوالہ سے متعلق رسیدیں بر آمد کی گئی ہیں۔

وفاقی تحقیقاتی ادارے (ایف آئی اے) نے لاہور میں کارروائی کرتے ہوئے ڈیجیٹل چپ کے ذریعے پیٹرول چوری میں ملوث ملزم کو گرفتار کر لیا۔

ملزم عزیز مرچنٹ کو تین تلوار جبکہ ملزم محمد ہمایوں، سلیم الدین اور عثمان عارف کو گولڈ سینٹر صدر سے گرفتار کیا گیا ہے۔

گرفتار ملزم کے موبائل فونز سے درجنوں ہنڈی حوالہ اور غیر قانونی کرنسی ایکسچینج سے متعلق پیغامات بھی برآمد کر لیے گئے ہیں۔

ایف آئی اے حکام نے ملزمان کے خلاف مقدمہ درج کر لیا ہے اور ان سے مزید تفتیش جاری ہے۔

بشکریہ جنگ