کراچی، سیریز میں برتری کے لئے آج پھر پاک انگلینڈ مقابلہ ہوگا

مخالف بھی وہی میدان بھی وہی تو کیا پھر پاکستان ٹیم کے لئے شائقین نے جو تعریفوں کے پل گزشتہ روز باندھے، کیا وہ آج بھی بنے رہیں گے۔

کراچی کے نیشنل اسٹیڈیم میں پاکستان اور انگلینڈ کے درمیان تیسرا ٹی ٹوئنٹی میچ آج کھیلا جائے گا، میچ شام 7:30 بجے شروع ہوگا۔

7 ٹی ٹوئنٹی میچوں کی سیریز کا پہلا میچ انگلینڈ جبکہ دوسرا پاکستان نے جیتا تھا۔

سیریز کے پہلے ٹی ٹوئنٹی میچ میں انگلینڈ نے پاکستان کو 6 وکٹوں سے شکست دی تھی۔

گزشتہ روز کھیلے گئے میچ میں کپتان بابر اعظم اور محمد رضوان کی ڈبل سنچری پارٹنر شپ کی بدولت پاکستان نے ٹی ٹوئنٹی میچ میں تاریخی فتح حاصل کی تھی۔

پاکستان کی شاندار فتح کی وزیراعظم شہباز شریف نے بھی تعریف کی تھی۔

بشکریہ جنگ