کراچی، جھونپڑیوں میں لگی آگ بجھادی گئی

کراچی میں قائد آباد کے قریب جھونپڑیوں میں لگی آگ پر قابو پالیا گیا ہے، آگ بجھانے میں فائر بریگیڈ کی سات گاڑیوں نے حصہ لیا۔

رپورٹس کے مطابق آگ لگنے سے ایک خاتون اور 2 بچے جھلس کر زخمی ہوگئے جنہیں اسپتال منتقل کردیا گیا۔

کراچی میں شارعِ فیصل پر واقع 16 منزلہ عمارت میں آگ لگنے کی وجوہات سامنے نہ آسکیں۔

پولیس کا کہنا ہے کہ جھونپڑیاں ڈیڑھ سے 2 کلو میٹر کے رقبے پر قائم ہیں۔

دوسری جانب متاثرین کا کہنا ہے کہ آگ لگنے کے باعث ان کی 30 سے زائد جھونپڑیاں جل گئی ہیں اور گھروں میں موجود تمام سامان بھی جل گیا ہے۔

متاثرین نے کہا کہ آگ سے جو جمع پونجی تھی وہ سب جل گئی۔

بشکریہ جنگ