کامن ویلتھ گیمز: پاکستان کا بھارت کو 100 رنز کا ہدف

کامن ویلتھ گیمز کے کرکٹ ایونٹ میں پاکستان نے بھارت کو جیت کے لیے 100 رنز کا ہدف دے دیا۔ 

بارش کے باعث 18 اوورز تک محدود کیے جانے والے اس میچ میں قومی ٹیم کی آخری پانچ وکٹیں صرف 3 رنز کے اندر گر گئیں۔

کامن ویلتھ گیمز میں بھارت کے خلاف قومی خواتین کرکٹ ٹیم کی 12 رکنی اسکواڈ میں ایک تبدیلی کی گئی ہے۔

اس میچ میں قومی ٹیم کی کپتان بسمہ معروف نے ٹاس جیت کر پہلے بیٹنگ کا فیصلہ کیا۔

ابتدا میں صفر پر آؤٹ ہونے والی ارم جاوید کے بعد منیبہ علی اور بسمہ معروف نے 50 رنز کی اچھی شراکت بنا کر ٹیم کو بہتر پوزیشن میں لانے کی کوشش کی۔ 

تاہم 50 کے مجموعے پر 17 رنز بنانے والی بسمہ معروف اور 51 کے مجموعے پر 32 رنز بنانے والے منیبہ کے جب آؤٹ ہوئیں تو ان کے بعد آنے والی بیٹرز نے خاطر خواہ کارکردگی نہیں دکھائی۔ 

عمیمہ سہیل 10، عائشہ نسیم 10 اور عالیہ ریاض کے 18 رنز کے علاوہ کوئی کوئی بیٹر ڈبل فیگر میں بھی داخل نہ ہوسکیں۔ 

قومی ٹیم کی اختتامی 5 وکٹیں صرف 3 رنز کے اندر گریں اور ٹیم نے 18 اوورز میں تمام وکٹیں کھونے کے بعد صرف 99 رنز بنائے۔

بشکریہ جنگ