بدھ14؍شوال المکرم 1442ھ26؍مئی 2021ء

ڈینش ملکہ نے پوتے پوتیوں کے شاہی خطاب ختم کرنے پر معذرت کرلی

ڈنمارک کی ملکہ مارگریٹ دوم نے اپنے پوتے پوتیوں کے لیے شاہی خطاب ختم کرنے کے فیصلے پر معذرت کرلی۔

ملکہ مارگریٹ دوم نے کہا کہ یہ فیصلہ اس لیے کیا تاکہ خاندان کے افراد شاہی پابندیوں کے بغیر زندگی گزار سکیں۔

انہوں نے کہا کہ انہیں اپنے فیصلے پر افسوس ہے لیکن انہوں نے یہ فیصلہ شاہی خاندان کے افراد کی آسانی کے لیے کیا تاکہ وہ اپنی زندگیاں شاہی پابندیوں کے بغیر نارمل انداز میں گزار سکیں۔

ملکہ مارگریٹ دوم نے کہا کہ شاہی خطاب کے حامل افراد بہت سی ذمہ داریوں اور فرائض کے پابند ہوتے ہیں۔

82 سالہ ملکہ مارگریٹ نے جمعرات کو اپنے چھوٹے بیٹے کے چار بچوں کا شاہی خطاب ختم کرنے کا اعلان کیا تھا۔

ملکہ کے یہ پوتے پوتیاں اگلے سال سے شہزادے اور شہزادی کا لقب استعمال نہیں کرسکیں گے۔

بشکریہ جنگ
You might also like

Comments are closed.