ڈسکہ الیکشن، ڈسٹرکٹ مانیٹرنگ آفیسر کا نوشین افتخار، علی اسجد ملہی کو ٹیلیفون

این اے 75 ڈسکہ کے ڈسٹرکٹ مانیٹرنگ آفیسر نے مسلم لیگ نون کی امیدوار نوشین افتخار اور پی ٹی آئی کے امیدوار علی اسجد ملہی سے ٹیلی فونک رابطہ کیا ہے۔

ڈسٹرکٹ مانیٹرنگ آفیسر  کے مطابق نوشین افتخار اور علی اسجد ملہی کو ٹیلی فون کیاگیا اور ہدایت کی گئی کہ ان کا حمایتی کوئی رکن اسمبلی حلقے میں داخل نہ ہو۔

ڈسٹرکٹ مانیٹرنگ آفیسر نے جیو نیوز سے ٹیلی فونک گفتگو میں بتایا کہ اگر کوئی رکن اسمبلی حلقے میں آیا تو سخت ایکشن ہو گا ،اسلحہ کی نمائش پر زیرو ٹالرنس ہوگی۔

واضح رہے کہ ڈسکہ میں انتخابی دنگل آج ہوگا، مسلم لیگ (ن) اور تحریک انصاف نے اپنے اپنے کِلّے مضبوط کرلیے۔

این اے 75 کے ضمنی انتخاب میں مسلم لیگ (ن) کی طرف سے نوشین افتخار اور تحریک انصاف کی جانب سے علی اسجد ملہی امیدوار ہیں۔

مسلم لیگ (ن) کی امیدوار نوشین افتخار کی جانب سے الیکشن کمیشن سے مطالبہ کیا گیا ہے کہ ڈسکہ شہر کی تمام اہم سڑکوں پر سی سی ٹی وی کیمرے نصب کیے جائیں۔

بشکریہ جنگ