ڈالرکی قیمت 250 روپے تک آجائے گی، گورنرسندھ کامران ٹیسوری

گورنر سندھ کامران ٹیسوری کا کہنا ہے کہ جو ڈالر ہاتھ نہیں آرہا تھا اب آگیا ہے، 250 سے 255 پر آجائے گا۔

کراچی میں وزیر صنعت و تجارت گوہر اعجاز کے ہمراہ میڈیا سے گفتگو کرتے ہوئے گورنر سندھ نے کہا کہ بڑے بڑے مسائل پر ایکشن ہو رہے ہیں، افغان تارکین کا بڑا مسئلہ تھا اس پر بھی بات ہوئی۔

گورنر سندھ کامران ٹیسوری نے کہا کہ پورے پاکستان میں فائیو اسٹار ہوٹل بننے چاہئیں، تاجروں کے مسائل حل کرنا ترجیح ہے۔

کامران ٹیسوری نے مزید کہا کہ سستی بجلی، گیس کی سپلائی صنعتکاروں اور صارفین تک پہنچے اس پر بات ہوئی ہے، وزراء ہر مہینے کراچی کے صنعتکاروں سے ملاقات کریں گے، مسائل اتنے گمبھیر ہیں کہ تین گھنٹے مسائل سنتے رہے، گیس اور پانی کے مسئلے پر بھی گفتگو ہوئی۔

بشکریہ جنگ