چیف سیکرٹری پنجاب نے مزید ایک ماہ کی چھٹی لے لی

چیف سیکرٹری پنجاب نے مزید ایک ماہ کی چھٹی لے لی، پنجاب حکومت نے 6 نومبر تک کامران علی افضل کی چھٹی منظور کرلی ہے۔

چیف سیکرٹری پنجاب کامران علی افضل اس سے قبل بھی دو بار چھٹی لے چکےہیں۔

کامران علی افضل نے تحریری طور پر وفاقی حکومت سے درخواست کی تھی کہ وہ چیف سیکرٹری پنجاب کے عہدے پر مزید کام نہیں کرنا چاہتے اس لیے انکی خدمات واپس لی جائیں مگر تاحال ان کی درخواست پر وفاق کی جانب سے کوئی فیصلہ نہیں کیا گیا۔

درخواست پر وفاق کی جانب سے کوئی فیصلہ نہ ہونے کے سبب انہوں نے مزید ایک ماہ کی چھٹی لے لی ہے۔

پنجاب حکومت نے کامران علی افضل کی چھٹی منظور کرتے ہوئے چیئرمین پی اینڈ ڈی عبداللّٰہ خان سنبل کے بطور چیف سیکرٹری پنجاب اضافی چارج میں بھی 6 نومبر تک توسیع کر دی ہے۔

بشکریہ جنگ