چیئرمین کورونا ٹاسک فورس لیڈی ریڈنگ اسپتال نے احتجاجاً استعفی دے دیا

چیئرمین کورونا ٹاسک فورس لیڈی ریڈنگ اسپتال نے احتجاجاً عہدے سے استعفی دے دیا، ڈاکٹر یاسین نے اپنا استعفی میڈیکل ڈائریکٹر ایل آر ایچ کو بھیج دیا، ڈاکٹر یاسین نے بحیثیت ایچ او ڈی میڈیسن بھی استعفیٰ دے دیا۔

ڈاکٹر یاسین خان کا کہنا ہے کہ میں اپنی خدمات بحیثیت پروفیسر آف میڈیسن جاری رکھوں گا۔

ترجمان کے ایل آر ایچ کا کہنا ہے کہ ڈاکٹر یاسین کے استعفے کے معاملے کو غلط انداز میں پیش کیا جا رہا ہے، ڈاکٹر یاسین کا کورونا ٹیم سے استعفیٰ انتظامی مسئلہ ہے جو جلد حل کرلیا جائے گا۔

ترجمان ایل آر ایچ کا کہنا ہے کہ پروفیسر یاسین خان بحیثیت پروفیسر آف میڈیسن اپنے فرائض پہلے کی طرح سر انجام دیں گے، پشاور کورونا ٹاسک فورس میں سینئر ڈاکٹرز اہم کردار ادا کررہے ہیں۔

انہوں نے کہا کہ ڈاکٹرز، نرسسز، پیرامیڈیکل اسٹاف کو تمام ضروری سامان بلا تعطل فراہم کیاجارہا ہے، سامان کی کمی کے حوالے سے خبریں بے بنیاد ہیں۔

بشکریہ جنگ