چوہدری سالک حسین سے پارٹی رہنماؤں کی اسلام آباد میں ملاقات

وفاقی وزیر چوہدری سالک حسین نے پارٹی رہنماؤں سے اسلام آباد میں ملاقاتیں کی ہیں۔

ملاقاتوں کے دوران چوہدری سالک نے پارٹی رہنماؤں سے تنظیمی امور پر تفصیلی مشاورت کی، اس دوران چوہدری شجاعت حسین کی قیادت پر مکمل اعتماد کا اظہار کیا گیا۔

اس موقع پر چوہدری سالک حسین نے کہا کہ مخلص اور محنتی کارکن پارٹی کا اہم اثاثہ ہیں، مسلم لیگ پاکستان کی ایک فعال اور متحرک جماعت ہے۔

انہوں نے مزید کہا کہ مسلم لیگ پاکستان کی بانی جماعت ہے، جو ملکی مسائل کے حل کے لیے اپنا بھرپور کردار ادا کر رہی ہے۔

بشکریہ جنگ