پی ٹی آئی نے مینار پاکستان پر جلسہ 23 مارچ کو کرنے پر غور شروع کردیا

پاکستان تحریک انصاف (پی ٹی آئی) نے مینار پاکستان کا جلسہ 22 کے بجائے 23 مارچ کو کرنے پر غور شروع کردیا۔

ذرائع کے مطابق پی ٹی آئی چیئرمین عمران خان اور صدر پرویز الہٰی کی ملاقات میں مینار پاکستان جلسے کی تاریخ پر مشاورت کی گئی۔

چیئرمین پاکستان تحریک انصاف (پی ٹی آئی) اور سابق وزیراعظم عمران خان نے الزام لگایا ہے کہ ہمیں فوج سے لڑانے کی سازش کی جارہی ہے۔

ذرائع کے مطابق پی ٹی آئی اب 23 مارچ کو جلسہ کرنے کی درخواست دے گی۔

پی ٹی آئی ذرائع کے مطابق حکومت نے تاحال 22 مارچ کو جلسہ کرنے کی اجازت نہیں دی، جلسے کے انتظامات کےلیے کم از کم 3 دن درکار ہوں گے۔

ذرائع کے مطابق حکومتی اجازت نہ ملنے کے باعث اب 22 مارچ کو جلسے کا انعقاد ممکن نہیں رہا۔

بشکریہ جنگ