پی سی بی کے دفاتر کل سے کھلیں گے

پاکستان کرکٹ بورڈ (پی سی بی) کے کورونا وائرس مثبت آنے کے بعد بند دفاتر کل سے کھلیں گے۔

ذرائع نے بتایا کہ پی سی بی عملے میں 3 مزید افراد کے کورونا ٹیسٹ مثبت آگئے ہیں، ان کے کورونا وائرس ٹیسٹ گز شتہ روز ہوئے تھے۔

ذرائع کا کہنا تھا کہ عملے کے رکن کا ٹیسٹ مثبت آنے پر پی سی بی دفاتر 4 روز کے لیے بند کیے گیے تھے۔

ذرائع کے مطابق کورونا ٹیسٹ مثبت آنے والے عملے کے سِوا دیگر اسٹاف کل سے دفاتر آسکیں گے۔

خیال رہے کہ دورہ جنوبی افریقہ اور زمبابوے کیلئے قومی اسکواڈ کا اعلان کل کیا جائے گا۔

چیف سلیکٹر محمد وسیم قومی اسکواڈ کا اعلان کریں گے۔

بشکریہ جنگ