پی سی بی کے تربیتی کیمپ میں 18 خواتین کرکٹرز طلب

پاکستان کرکٹ بورڈ (پی سی بی) نے 18 ممکنہ خواتین کھلاڑیوں کو تربیتی کیمپ میں طلب کر لیا، کیمپ 5 سے 20 اکتوبر تک کراچی میں جاری رہے گا۔

پی سی بی کے مطابق حنیف محمد ہائی پرفارمنس سینٹر اور نیشنل اسٹیڈیم کراچی میں 16 روزہ کیمپ آئی سی سی ویمنز ورلڈ کپ کوالیفائرز کی تیاریوں کے لیے لگایا جا رہا ہے، کیمپ میں کھلاڑیوں کی فٹنس اور اسکلز پر خصوصی توجہ دی جائے گی۔

اس دوران کیمپ میں خواتین کھلاڑیوں کے بوائز انڈر 19 ٹیموں کے خلاف پریکٹس میچز بھی منعقد کرائے جائیں گے۔

پی سی بی کے مطابق کیمپ میں ایمن انور، عالیہ ریاض، انعم امین، عائشہ ظفر، ڈیانا بیگ، فاطمہ ثناء، ارم جاوید، جویریہ خان، کائنات امتیاز، ماہم طارق، منیبہ علی، نشرح سندھو، ندا ڈار، عمیمہ سہیل، سعدیہ اقبال، سدرہ امین، سدرہ نواز اور رامین شمیم کو طلب کیا گیا ہے۔

بشکریہ جنگ