بدھ14؍شوال المکرم 1442ھ26؍مئی 2021ء

’پی سی بی کو اچھا فوٹوگرافر مل گیا، مجھے اب چلے جانا چاہیے‘

قومی کرکٹ ٹیم کے کپتان بابر اعظم ایک کامیاب بیٹسمین کے ساتھ ساتھ  فوٹو گرافر بھی بن گئے ہیں۔

آئی سی سی ٹی ٹوئنٹی ورلڈکپ میں پاک بھارت میچ میں سب کی نظریں پاکستان کرکٹ ٹیم کی اوپننگ جوڑی پر ہیں۔

قومی کپتان گراؤنڈ میں کیمرے سے ساتھی کرکٹرز کی تصویریں کھینچتے رہے۔

پی سی بی نے بابر اعظم کی کیمرے کے ساتھ بابر اعظم کی تصاویر جاری کیں اور ساتھ لکھا کہ ’اسکیپر کیمرے سے تصاویر بناتے ہوئے۔‘

بعد ازاں پی سی بی نے  کپتان بابر اعظم کی جانب سے لی گئی تصاویر کو شیئر کیا اور شائقین سے بابر کی فوٹوگرافی کی صلاحیتوں کو ریٹ کرنے کا کہا۔

ان تصاویر پر بابر کے مداحوں نے تو ردعمل دیا ہی لیکن ساتھ ہی پی سی بی کے کمیونیکیشن مینجر ابراہیم نے ان تصاویر پر ردعمل دیتے ہوئے کہا کہ پی سی بی کو مجھ سے بہتر فوٹوگرافر مل گیا ہے اب مجھے اپنی نوکری چھوڑ دینی چاہیے۔

خیال رہے کہ ٹی ٹوئنٹی ورلڈکپ میں سب سے بڑے ٹاکرے سے پہلے پاکستان ٹیم کی دبئی میں تیاریاں جاری ہیں۔

ورلڈکپ کے ہائی وولٹیج گیم پاک بھارت ٹاکرے سے قبل شعیب اختر اور ہربھجن سنگھ میں ٹوئٹر پر دلچسپ مکالمہ ہوا ہے۔

قومی ٹیم آج ابوظبی میں جنوبی افریقہ کے ساتھ وارم اپ میچ کھیلے گی جو مقامی وقت کے مطابق شام 6 بجے شروع ہوگا۔

بشکریہ جنگ
You might also like

Comments are closed.