پی ایس ایکس 100 انڈیکس میں 366 پوائنٹس کی کمی

پاکستان اسٹاک ایکسچینج (پی ایس ایکس) میں بدھ کو سرمایہ کاری کا منفی دن رہا۔

شیئرز بازار کا 100 انڈیکس 366 پوائنٹس کم ہو کر 45 ہزار 362 پر بند ہوا ہے۔

آج شیئر بازار میں 55 کروڑ شیئرز کے سودے ہوئے جن کی مالیت 26 ارب روپے سے زائد رہی۔

انٹربینک تبادلہ مارکیٹ میں ڈالر کی قدر 12 پیسے کم ہوئی ہے۔ کاروباری دن کے اختتام پر انٹربینک میں ڈالر کی قدر 158 روپے 75 پیسے ہے۔

ٹریڈنگ کے دوران مارکیٹ کیپٹلائزیشن 79 ارب روپے کم ہوکر 8 ہزار 178 ارب روپے ہے۔

بشکریہ جنگ