پی ایس ایل 6: اسلام آباد یونائیٹڈ کا کوئٹہ گلیڈی ایٹرز کیخلاف کا ٹاس جیت کر فیلڈنگ کا فیصلہ

پاکستان سپر لیگ (پی ایس ایل) کے چھٹے ایڈیشن کے 12ویں میچ میں اسلام آباد یونائیٹڈ نے ٹاس جیت کر پہلے فیلڈنگ کرنے کا فیصلہ کیا ہے۔

کراچی کے نیشنل اسٹیڈیم میں شروع کھیلا جانے والا یہ میچ کل کھیلا جانا تھا، تاہم اسلام آباد یونائیٹڈ کے فواد احمد کے کورونا وائرس ٹیسٹ مثبت آنے کے بعد آج تک کے لیے ملتوی کردیا گیا تھا۔

اسلام آباد یونائیٹڈ کی ٹیم میں آج وکٹ کیپر بیٹسمین روحیل نذیر کو شامل کیا گیا ہے جو انڈر 19 ٹیم کی قیادت بھی کر چکے ہیں، اور ان ہی کی قیادت میں محمد حسنین، نسیم شاہ اور حیدر علی جیسے ابھرتے ہوئے کھلاڑی کھیلتے رہے ہیں۔

یونائیٹڈ کی ٹیم کپتان شاداب خان، پال اسٹرلنگ، روحیل نذیر، ایلکس ہیلز، حسین طلعت، آصف علی، افتخار احمد، فہیم اشرف، محمد وسیم، حسن علی اور موسیٰ خان شامل ہیں۔

کوئٹہ گلیڈی ایٹریز کی ٹیم میں کپتان سرفراز احمد، فاف ڈوپلیسی، کیمرون ڈیلپورٹ، اعظم خان، صائم ایوب، بین کٹنگ، محمد نواز، زاہد محمود، ڈیل اسٹین، محمد حسنین اور نسیم شاہ شامل ہیں۔

بشکریہ جنگ