پی آئی بی کالونی میں ہوٹل پر فائرنگ، پولیس اہلکار سمیت 2 افراد جاں بحق
کراچی شرقی کے علاقے پیر الہی بخش کالونی میں چائے کے ایک ہوٹل پر فائرنگ کے واقعے میں ایک پولیس اہلکار سمیت دو افراد جاں بحق ہوگئے۔
پولیس کے مطابق جاں بحق ہونے والوں کی شناخت 45 سالہ وحید گل اور 42 سالہ نعیم شاہ کے ناموں سے ہوئی ہے۔
واقعہ کی سی سی ٹی وی فوٹیج میں دیکھا جا سکتا ہے کہ شلوار قمیص میں ملبوس ایک شخص گلی سے نکلتا ہے اور چند سیکنڈ میں پے درپے گولیاں مار کر دونوں کو قتل کر دیتا ہے۔
فوٹیج میں ملزم کو انتہائی سکون سے پیدل جاتے ہوئے دیکھا جا سکتا ہے۔
پولیس کے مطابق مقتول وحید گل کراچی پولیس کے شعبہ سی آئی اے میں تعینات اور اسپیشل انویسٹی گیشن یونٹ میں ڈیوٹی کرتا تھا۔
پولیس کے مطابق فائرنگ کے اس واقعہ میں جاں بحق دوسرا شخص نعیم شاہ مقتول پولیس اہلکار کا قریبی عزیز ہے۔
پولیس کے مطابق واقعہ ذاتی دشمنی کا شاخسانہ معلوم ہوتا ہے تاہم اس کی تفتیش شروع کر دی گئی ہے۔
Comments are closed.