پیٹ کمنز مسلسل تیسرے سال آسٹریلیا کے مہنگے کرکٹر قرار

کرکٹ آسٹریلیا نے زیادہ معاوضہ حاصل کرنیوالے کرکٹرز کی رینکنگ جاری کردی۔

آسٹریلوی میڈیا کے مطابق ٹیسٹ ٹیم کے کپتان پیٹ کمنز مسلسل تیسرے سال آسٹریلیا کے سب سے زیادہ معاوضہ حاصل کرنیوالے کرکٹر بن گئے۔

 پیٹ کمنز 20 لاکھ آسٹریلوی ڈالرز کمانے والے کرکٹرز بن گئے جبکہ جوش ہیزل ووڈ رینکنگ میں پانچویں سے دوسرے نمبر پر آگئے ہیں، انہوں نے 16 لاکھ آسٹریلوی ڈالرز کمائے۔

ڈیوڈ وارنر کا معاوضہ حاصل کرنیوالوں کی رینکنگ میں 15 لاکھ آسٹریلوی ڈالرز کیساتھ تیسرا نمبر ہے۔

آسٹریلوی میڈیا کا کہنا ہے کہ میچل اسٹارک 14 لاکھ ڈالرز کے ساتھ چوتھے نمبر پر ہیں جبکہ اسٹیو اسمتھ کا 13لاکھ آسٹریلوی ڈالرز کے ساتھ ریکنگ میں پانچواں نمبر ہے اور مارنوس لابوشین کا 12 لاکھ آسٹریلوی ڈالرز کے ساتھ چھٹا نمبر ہے۔

بشکریہ جنگ