پیٹرول کی قیمت میں کمی پر سیاست دانوں کی رائے
مختلف سیاسی جماعتوں کے رہنماؤں نے ملک میں پیٹرول کی قیمت کتنے روپے کم کی جائے، اس حوالے سے اپنی رائے کا اظہار کیا ہے۔
جیو نیوز کے پروگرام ’کیپٹل ٹاک‘ میں جماعت اسلامی کے سینیٹر مشتاق احمد نے کہا کہ عالمی منڈی میں تیل کی قیمت کم ہونے کے بعد حکومت کو فی لیٹر پیٹرول کی قیمت میں 100 روپے کی کمی کرنی چاہیے۔
تحریک انصاف کے رہنما آفتاب جہانگیر کا کہنا تھا کہ پیٹرول کی قیمت میں 75 روپے فی لیٹر کمی ہونی چاہیے۔
پروگرام میں وزیر مملکت برائے پیٹرولیم سینیٹر ڈاکٹر مصدق ملک نے کہا کہ عالمی سطح پر پیٹرول کی قیمت میں کمی ہورہی ہے، لہٰذا وعدے کے مطابق عوام کو ریلیف دیا جائے گا۔
اس حوالے سے وزیر خزانہ مفتاح اسماعیل کا کہنا ہے کہ پیٹرولیم مصنوعات کی قیمتوں میں کمی کی سمری تیار ہوگئی ہے، وقت اور قیمت کا فیصلہ وزیراعظم شہباز شریف کریں گے۔
انہوں نے کہا کہ عالمی مارکیٹ میں تیل کی قیمتیں کم ہونے کی خبروں کی وجہ سے ڈیلروں نے خریداری کم کردی ہے، اس لیے کوشش ہے پیٹرولیم مصنوعات کی نئی قیمتوں کا اطلاق آج سے ہی کردیں۔
Comments are closed.