پولیس کا شیخ رشید کو سیاسی سرگرمیاں محدود کرنے کا مشورہ

پولیس نے سابق وفاقی وزیر داخلہ شیخ رشید کو ملاقاتیں اور سیاسی سرگرمیاں محدود کرنے کا مشورہ دے دیا۔

سی پی او آفس کے لینڈ لائن نمبر پر شیخ رشید پر حملے کی دھمکی آمیز کال موصول ہوئی، جس کے بعد پولیس نے سابق وفاقی وزیر کو سیاسی سرگرمیاں محدود کرنے کا مشورہ دیا ہے۔

عوامی مسلم لیگ کے سربراہ شیخ رشید نے کہا ہے کہ حکومت نے انتہائی اہم تعیناتی پر ہیجان برپا کر دیا ہے۔

شیخ رشید کے بھتیجے اور رکن قومی اسمبلی شیخ راشد شفیق نے دھمکی آمیز کال کی تصدیق کی ہے۔

ذرائع کے مطابق دھمکی آمیز کال کے بعد راولپنڈی پولیس نے شیخ رشید اور لال حویلی کی سیکیورٹی بڑھا دی ہے۔

پولیس ذرائع کے مطابق دھمکی آمیز کال کرنے والے شخص نے اپنا نام ارشاد انصاری بتایا ہے۔

ذرائع کے مطابق پولیس اور قانون نافذ کرنے والے اداروں نے دھمکی آمیز کال کی تحقیقات شروع کردی ہے۔

بشکریہ جنگ