پولیس نے میرے بچوں کو مارا، میرے ساتھ زیادتی کی، شیخ رشید

عوامی مسلم لیگ کے سربراہ شیخ رشید نے گرفتاری کے بعد میڈیا کو بتایا کہ پولیس نے میرے بچوں کو مارا، میرے ساتھ زیادتی کی۔

شیخ رشید کو گرفتاری کے بعد تھانہ آبپارہ پہنچایا گیا جہاں میڈیا کی موجودگی میں شیخ رشید نے پولیس اہلکار کو دھکا دیا۔

انہوں نے میڈیا سے بات کے دوران تھانے کے باہر پولیس اہلکار کو دھکا دے کر پیچھے کردیا۔

واضح رہے کہ شیخ رشید کی گرفتاری کے بعد پولیس حکام نے دعویٰ کیا ہے کہ شیخ رشید نشے کی حالت میں تھے، ان کے پاس سے مہنگے برانڈ کی شراب برآمد ہوئی ہے۔

عوامی مسلم لیگ کے سربراہ اور سابق وزیر داخلہ شیخ رشید کو گرفتار کرلیا گیا، ان کے قبضے سے اسلحہ اور شراب برآمد ہوئی ہے، اسلام آباد کےتھانہ آبپارہ منتقل کردیا گیا۔

اس کے علاوہ شیخ رشید کے قبضے سے ایم 4 رائفل، کلاشنکوف اور آٹومیٹک گن بھی برآمد کی گئی ہے۔

گرفتاری کے بعد شیخ رشید کے پولی کلینک اسپتال میں میڈیکل ٹیسٹ بھی کیے گئے ہیں۔

بشکریہ جنگ