پنجاب کے نئے بلدیاتی نظام کی منظوری مزید غور اور مشاورت کے لیے موخر

وزیراعظم عمران خان کی زیر صدارت پنجاب کے بلدیاتی نظام اور مسودہ قانون کے بارے میں اجلاس ہوا۔

ذرائع کے مطابق پنجاب کے نئے بلدیاتی نظام کی منظوری مزید مشاورت اور غور و خوض کے لیے موخر کردی گئی۔

اجلاس میں وفاقی وزیر اسد عمر، وزیر بلدیات پنجاب محمود الرشید، وزیر قانون راجا بشارت اور وزیر صنعت میاں اسلم اقبال نے شرکت کی۔

اتحادی جماعت ق لیگ کی طرف سے وفاقی وزیر مونس الہٰی اور طارق بشیر چیمہ اجلاس میں شریک ہوئے۔

ذرائع کے مطابق وزیراعظم نے نئے بلدیاتی نظام پر مزید غور کے ساتھ دیہی اور شہری تقسیم کو مدنظر رکھ کر اقدامات کرنے کی ہدایت کی۔

ذرائع کے مطابق آئندہ 2 سے 3 روز میں اتحادی قیادت کے ساتھ اس معاملے پر دوبارہ اجلاس ہوگا۔

ذرائع کے مطابق اس اجلاس میں بلدیاتی نظام کے نکات کا دوبارہ جائزہ لےکر سفارشات مرتب کی جائیں گی۔

بشکریہ جنگ