ہفتہ10؍شوال المکرم 1442ھ 22؍ مئی 2021ء

پنجاب کے سرکاری میڈیکل کالجوں میں 22 فروری سے کلاسز شروع کرنے کا فیصلہ

پنجاب کے سرکاری میڈیکل اور ڈینٹل کالجوں میں 22 فروری سے کلاسز شروع کرنے کا فیصلہ کیا گیا ہے۔

لاہور کی یونیورسٹی آف ہیلتھ سائنسز میں میڈیکل کالجوں میں داخلے کے حوالے سے اجلاس ہوا۔

اجلاس میں آزاد جموں و کشمیر کے میڈیکل کالجوں کی کلاسز یکم مارچ سے شروع کرنے کا فیصلہ کیا گیا ہے۔

یونیورسٹی آف ہیلتھ سائنسز کے وائس چانسلر ڈاکٹر جاوید اکرم نے میڈیسن کے شعبے میں ریسرچ کی فروغ پر ڈاکٹروں کیلئے ریسرچ ایوارڈ کا اعلان کر دیا۔

اجلاس میں یہ بھی فیصلہ کیا گیا کہ کسی نادار طالب علم کو فیس نہ ہونے پر داخلے سے انکار نہیں کیا جائے گا۔

اس موقع پر پروفیسر جاوید اکرم نے کہا کہ پرنسپل کی سفارش پر یو ایچ ایس خود طالبعلم کی فیس ادا کرے گی۔

بشکریہ جنگ
You might also like

Comments are closed.