پنجاب اور کے پی میں آٹا مہنگا ہوگیا، ڈیلرز ایسوسی ایشن کو بحران کا خدشہ

پنجاب اور خیبر پختون خوا میں آٹے کی قیمت میں اضافہ ہوگیا، آٹا ڈیلر ایسوسی ایشن نے آٹے کے بحران کا خدشہ بھی ظاہر کردیا ہے۔ 

پنجاب میں آٹے کے 20 کلو تھیلے کی قیمت 1100 روپے سے بڑھا کر 1300 روپے کر دی گئی۔

جلسے سے خطاب کرتے ہوئے وزیراعظم نے شانگلہ میں میڈیکل کالج بنانے کا اعلان کیا۔

ادھر پشاور میں آٹے کی 20 کلوگرام بوری کی قیمت 100 روپے کے اضافے کے بعد 1400 روپے ہوگئی۔

ادھر کئی مقامات پر آٹا نہ ملنے سے شہری بھی پریشان ہوگئے ہیں۔ 

دوسری جانب آٹا ڈیلر ایسوسی ایشن کا کہنا ہے کہ پنجاب سے خیبر پختون خوا کو آٹے کی ترسیل 18 اپریل سے بند ہے۔

ایسوسی ایشن کے مطابق پرانا اسٹاک ختم ہوگیا ہے، کچھ دنوں میں آٹے کا بحران پیدا ہوسکتا ہے۔

وفاقی دارالحکومت اسلام آباد میں بھی آٹے کی قیمت میں اضافہ ہوگیا ہے جبکہ بلوچستان میں بھی آٹے کی قیمتیں بڑھنے کا خدشہ ہے۔

بشکریہ جنگ