پنجاب اسمبلی: ن لیگی ارکان کو داخلے سے روکنے کی کوشش

پنجاب اسمبلی میں مسلم لیگ ن کے ارکان کو داخلے سے روکنے کی کوشش کی گئی اور سیکیورٹی حکام نے گیٹ کھولنے سے انکار کر دیا۔

وفاقی وزیرِ داخلہ رانا ثناء اللّٰہ اور وزیرِ اعظم کے معاونِ خصوصی عطاء تارڑ پنجاب اسمبلی میں داخل ہو گئے۔

اس موقع پر رانا ثناء اللّٰہ نے کہا کہ اسپیکر پنجاب اسمبلی اور وزیرِ اعلیٰ پنجاب نے غیر آئینی حکم دیا۔

رانا ثناء اللّٰہ کا کہنا تھا کہ بوکھلاہٹ کی وجہ اعتماد کے لیے ووٹ پورے نہ ہونا ہے، اعتماد کا ووٹ ہر صورت لینا پڑے گا، آج اجلاس بلانے کا مقصد ہیرا پھیری کی کوشش ہے۔

مسلم لیگ ن کے رہنما عطاء اللّٰہ تاڑر کی گاڑی کو پنجاب اسمبلی میں داخلے سے روک دیا گیا۔

دوسری جانب اسپیکر پنجاب اسمبلی سبطین خان نے وفاقی وزیرِ داخلہ کو روکے جانے سے لاعلمی کا اظہار کیا۔

اس سے قبل مسلم لیگ ن کے رہنما عطاء اللّٰہ تاڑر کی گاڑی کو پنجاب اسمبلی میں داخلے سے روک دیا گیا تھا۔

پنجاب اسمبلی کے گیٹ پر تلخ کلامی کے بعد پولیس کی نفری بھی اسمبلی گیٹ پر پہنچ گئی تھی۔

بعد ازاں لیگی ارکان زبردستی گیٹ کھلوا کر عطاء اللّٰہ تاڑر کی گاڑی کو اندر لے گئے تھے۔

بشکریہ جنگ