پشاور میں CTD کراچی کی کارروائی، کالعدم تنظیم کا کمانڈر گرفتار

دہشت گردی کےواقعات میں مطلوب کالعدم تنظیم کے اہم کمانڈر کو سی ٹی ڈی کراچی کی جانب سے پشاور میں گرفتار کر لیا گیا۔

ذرائع کے مطابق انسدادِ دہشت گردی ونگ (سی ٹی ڈی) کراچی کی ٹیم پشاور پہنچی ہے جہاں اس نے کارروائی کرتے ہوئے مذکورہ ملزم کو گرفتار کیا ہے۔

ذرائع کا کہنا ہے کہ حراست میں لیے گئے ملزم کو کراچی منتقل کیا جائے گا۔

سندھ کے ضلع گھوٹکی میں اوباڑو کے قریب پولیس کارروائی کے دوران مبینہ طور پر خود کو دھماکے سے اڑانے والے دونوں ملزمان میں سے ایک قانون کا طالب علم جبکہ دوسرا ملائیشیا پلٹ تھا۔

ذرائع نے یہ بھی بتایا ہے کہ گرفتار ملزم کے 2 ساتھی چند روز قبل گھوٹکی میں مبینہ مقابلے کے دوران مارے گئے تھے۔

بشکریہ جنگ