پشاور سے ڈیڑھ کلو آئس ہیروئن دوحہ اسمگل کرنے کی کوشش ناکام

ایئر پورٹ سیکیورٹی فورس نے پشاور سے ڈیڑھ کلو گرام ہیروئن دوحہ بذریعہ جہاز اسمگل کرنے کی کوشش ناکام بنا کر مسافر کو گرفتار کر لیا۔

ترجمان کے مطابق اے ایس ایف کے عملے نے مسافر نوید خان کے سامان کو اسکریننگ کے دوران مشکوک قرار دیا تھا۔

سامان کی تلاشی پر عملے نے آئس ہیروئن کو بیگ کے خفیہ خانوں سے برآمد کر لیا، اے ایس ایف کے عملے نے 1.59 کلو گرام آئس ہیروئن برآمد کر کے اسمگلنگ کی کوششں ناکام بنا دی۔

ترجمان اے ایس ایف کے مطابق ملزم کو ابتدائی تفتیش کے بعد برآمد شدہ منشیات سمیت قانونی کارروائی کے لیے اے این ایف حکام کے حوالے کر دیا گیا ہے۔

بشکریہ جنگ