پریانتھا کمارا قتل کیس کے 88 ملزمان کوٹ لکھپت جیل منتقل

پنجاب کے شہر  سیالکوٹ میں سری لنکن شہری پریانتھا کمارا کے قتل کیس کے 88 ملزمان کو کوٹ لکھپت جیل منتقل کردیا گیا۔

جیل حکام کا کہنا ہے کہ محکمہ داخلہ نے ملزمان کے جیل میں ٹرائل کا فیصلہ کیا تھا۔

سری لنکن شہری کے قتل کی پیروی پراسیکیوشن کی خصوصی ٹیم کرے گی، تین رکنی پراسیکیوشن ٹیم کی سربراہی عبدالرؤف وٹو کریں گے۔

کیس کی سماعت پر پروگریس رپورٹ روزانہ پراسیکیوٹر جنرل کو بھجوائی جائےگی، 28 فروری کو مقدمے کی اگلی سماعت بھی کوٹ لکھپت جیل میں ہی ہوگی۔

بشکریہ جنگ