پاک سری لنکا سیریز کا شیڈول تاخیر کا شکار

پاکستان اور سری لنکا کے درمیان ہونے والی سیریز کے وینیوز پر مشاورت طویل ہونے کی وجہ سے شیڈول کا اعلان تاخیر کا شکار ہوگیا۔

ذرائع کا کہنا ہے کہ سری لنکا کرکٹ نے پاکستان کرکٹ بورڈ( پی سی بی) کو آج ٹیسٹ سیریز کے شیڈول کا اعلان کرنے کا کہا ہے۔

سیریز میں 2 ٹیسٹ میچز سے قبل ایک 3 روزہ پریکٹس میچ بھی شامل ہے، ٹیسٹ میچز 16 اور 24 جولائی سے کولمبو اور گال میں شروع ہونے کا امکان ہے۔

ذرائع کے مطابق قومی اسکواڈ جولائی کے پہلے ہفتے میں سری لنکا روانہ ہو گا، شیڈول کے اعلان کے بعد قومی ٹیسٹ اسکواڈ کا اعلان کیا جائے گا۔

دورہ سری لنکا کے لیے قومی ٹیسٹ اسکواڈ کا اعلان اگلے تین روز میں متوقع ہے

اس حوالے سے ذرائع کا کہنا ہے کہ ٹیسٹ اسکواڈ میں معمولی ردو بدل ہو گا، محمد نواز اور یاسر شاہ کی واپسی ہوگی، ٹیسٹ اسکواڈ 25 جولائی کو راولپنڈی میں رپورٹ کرے گا جبکہ 26 جولائی سے کیمپ کا آغاز ہو گا۔

بشکریہ جنگ