پاکستان کیخلاف کھیلنا ہمیشہ چیلنج ہوتا ہے، ڈیوڈ ملان

انگلش کرکٹ ٹیم کے کھلاڑی ڈیوڈ ملان کا کہنا تھا کہ جو پلیئرز پاکستان سپر لیگ (پی ایس ایل) کے لیے یہاں آ چکے ہیں وہ دیگر کھلاڑیوں کو اپنے تجربات سے آگاہ کر رہے ہیں، پاکستان کیخلاف کھیلنا ہمیشہ چیلنج ہوتا ہے۔

کراچی میں پریس کانفرنس کرتے ہوئے ڈیوڈ ملان کا کہنا تھا کہ پاکستان میں دوبارہ آکر کافی اچھا لگ رہا ہے۔

انہوں نے کہا کہ کپتان جوز بٹلر کا مکمل فٹ نہ ہونا مایوس کن ہے۔

انگلش کھلاڑی نے کہا کہ پاکستان ایک زبردست ٹیم ہے، جس کے پاس تمام آپشنز موجود ہیں۔

ڈیوڈ ملان کا کہنا تھا کہ جو پلیئرز یہاں پی ایس ایل کے لیے آچکے ہیں وہ دیگر کو اپنے تجربات سے آگاہ کر رہے ہیں۔ 

انہوں نے کہا کہ پاکستان کیخلاف کھیلنا ہمیشہ چیلنج ہوتا ہے، جب پی ایس ایل ٹو کے لیے لاہور آیا تھا تو اندازہ نہیں تھا کہ ہمارا آنا کتنا اہم تھا۔

ڈیوڈ ملان کا کہنا تھا کہ ورلڈ کپ سے قبل یہ سیریز کافی اہم ہے۔

بشکریہ جنگ