پاکستان کو آئی ایم ایف سے 2 ارب ڈالر اضافی رقم ملنے کا امکان

واشنگٹن میں عالمی مالیاتی ادارے (آئی ایم ایف) سے پاکستان کے مذاکرات مثبت رہے ہیں، جس کے بعد 2 ارب ڈالر اضافی رقم ملنے کے امکانات پیدا ہوگئے ہیں۔

پاکستان نے عالمی مالیاتی ادارے (آئی ایم ایف) کے مطالبات مان لیے، ملک میں پٹرول اور ڈیزل مہنگا ہوگا ، بجلی کی قیمت بھی بڑھائی جائے گی۔

پاکستان اور آئی ایم ایف حکام کے درمیان مذاکرات کے حالیہ دور کے بعد پاکستان کو مجموعی طور پر 6 ارب کے بجائے 8 ارب ڈالر کی رقم مل سکے گی۔

پاکستان کو آئی ایم ایف کی جانب سے قرض پروگرام میں 9 سے 12 ماہ تک کی چھوٹ ملنے کا بھی امکان ہے۔

پاکستانی وفد سے حالیہ مذاکراتی عمل کے حوالے سے آئی ایم ایف سرکاری بیان پیر کے روز جاری کرے گا۔

بشکریہ جنگ