پاکستان پولیو فری ملک کے درجے کے قریب پہنچ گیا ہے، ڈاکٹر فیصل سلطان

وزیر اعظم کے معاون خصوصی برائے صحت ڈاکٹر فیصل سلطان کا کہنا ہے کہ پاکستان پولیو فری ملک کے درجے کے قریب پہنچ گیا ہے۔

سرکٹ ہاؤس ڈیرہ اسماعیل خان میں خطاب کرتے ہوئے ڈاکٹر فیصل سلطان نے کہا کہ 2021 اور 2022 میں پورے ملک میں پولیو کا کوئی کیس سامنے نہیں آیا، ایسا پہلی مرتبہ پاکستان میں ہوا ہے، بس تھوڑی محنت اور کرنی ہے۔

پاکستان پولیو فری اسٹیٹ سرٹیفکیٹ سے 26 ماہ کی دوری پر ہے، ملک میں گزشتہ 10 ماہ میں وائرس کا کوئی کیس رپورٹ نہیں ہوا۔

انہوں نے مزید کہا کہ ماحولیاتی ٹیسٹ میں پولیو وائرس اب بھی موجود ہے، پولیو کا مکمل خاتمہ کرنا ہم سب کی ذمہ داری ہے۔

ڈاکٹر فیصل سلطان نے ڈیرہ اسماعیل خان میں مفتی محمود میموریل ٹیچنگ اسپتال کا دورہ بھی کیا۔

بشکریہ جنگ