پاکستان ویمن کا پہلے ون ڈے میں آسٹریلیا کو 158رنز کا ہدف

پاکستان ویمن کرکٹ ٹیم نے پہلے ون ڈے میں میزبان آسٹریلیا کو جیت کے لیے 158 رنز کا ہدف دے دیا۔

آسٹریلیا کو ڈک ورتھ لیوئیس سسٹم کے تحت 40 اوورز میں 158 رنز بنانے ہیں۔

برسبین میں کھیلے جا رہے پہلے ون ڈے میچ میں پاکستان ویمن نے مقررہ 40 اوورز میں 8 وکٹ پر 160 رنز بنائے۔

پاکستان کی جانب سے ندا ڈار 59 اور کپتان بسمہ معروف 28 رنز کے ساتھ نمایاں رہیں۔

آسٹریلیا کی طرف سے ڈارسی براؤن اور جوناسین نے 2، 2 کھلاڑیوں کو آؤٹ کیا۔

بشکریہ جنگ