پاکستان ‘شنگھائی اسپرٹ’ کے لیے اپنے عزم کا اعادہ کرتا ہے، وزیراعظم

اسلام آباد:وزیر اعظم میاں شہباز شریف نے کہا ہے کہ پاکستان ‘شنگھائی اسپرٹ’ کے لیے اپنے عزم کا اعادہ کرتا ہے،عالمی اقتصادی بحران نے شنگھائی تعاون تنظیم کے رکن ممالک کے درمیان مزید تعاون کی ضرورت کو جنم دیا ہے۔

شنگھائی تعاون تنظیم کے اجلاس میں شرکت کے لیے ازبکستان کے دورے پر جانے سے قبل سماجی رابطے کی ویب سائٹ ٹوئٹرپربیان میں وزیراعظم نے کہا کہ عالمی اقتصادی بحران نے شنگھائی تعاون تنظیم کے رکن ممالک کے درمیان تعاون کو جنم دیا ہے ، ایس سی او کا وژن دنیا کی چالیس فیصد آبادی کی امنگوں کی نمائندگی کرتا ہے۔

Pakistan reiterates its commitment to ‘Shanghai Spirit’. Mutual respect & trust can be the bedrock of shared development & prosperity. The SCO has a great potential to chart a way forward at a time of deeply worrying transformation in the geo-political & geo-economic fields.

— Shehbaz Sharif (@CMShehbaz) September 15, 2022

انہوں نے کہا کہ شنگھائی تعاون تنظیم کے پاس جغرافیائی، سیاسی اور جیو اکنامک شعبوں میں گہری تشویشناک تبدیلی کے وقت آگے بڑھنے کا راستہ طے کرنے کی بڑی صلاحیت موجود ہے۔

شنگھائی سپرٹ کے ساتھ پاکستان کے عزم کا اعادہ کرتے ہوئے وزیراعظم نے کہا کہ باہمی احترام اور اعتماد مشترکہ ترقی اور خوشحالی کی بنیاد ہو سکتا ہے۔