پاکستان سے امدادی سامان پی آئی اے کی خصوصی پرواز سے لبنان پہنچا دیا گیا

پاکستان کی قومی ایئرلائن پی آئی اے نے اسلام آباد سے کارگو پرواز کے ذریعے خصوصی امدادی سامان بیروت پہنچا دیا۔

ایوی ایشن ذرائع کے مطابق پاکستان انٹرنیشنل کی کارگو پرواز پی کے 6711 اسلام آباد سے پیر کی صبح 5 بجکر 18منٹ پر لبنان کے لیے روانہ ہوئی۔

اس خصوصی پرواز میں کھانے پینے کی اشیاء، کورونا وائرس سے بچاؤ کی ادویات اور حفاظتی ساز و سامان کے کنٹینرز تھے۔

پی آئی اے کے بوئنگ 777 طیارہ مقامی نے وقت کے مطابق صبح 7 بجکر 42 منٹ پر بیروت انٹرنیشنل ائیر پورٹ پر لینڈ کیا۔

امدادی سامان حکومت پاکستان کی طرف سے نیشنل ڈیزاسٹر مینجمنٹ اتھارٹی نے لبنان کے عوام کیلئے بھجوایا ہے۔

بشکریہ جنگ