ٹی ٹوئنٹی ورلڈکپ میں شرکت کیلئے پاکستان ٹیم 14 اکتوبر کو یو اے ای روانہ ہوگی

ٹی ٹوئنٹی ورلڈکپ کے لیے پاکستان کرکٹ ٹیم کا اسکواڈ 14 اکتوبر کو متحدہ عرب امارات (یو اے ای) روانہ ہوگا۔ 

ذرائع کا کہنا ہے کہ کوویڈ پروٹوکولز کے بعد پاکستان ٹیم کا پہلا ٹریننگ سیشن 16 اکتوبر کو ہوگا۔

ذرائع نے بتایا کہ آئی سی سی ٹی ٹوئنٹی ورلڈکپ کے پہلے مرحلے کا آغاز 17 اکتوبر سے ہوگا، جبکہ دوسرے مرحلے میں موجود پاکستان ٹیم اپنا پہلا میچ 24 روایتی حریف بھارت کے خلاف 24 اکتوبر کو کھیلے گی۔ 

اس سے قبل قومی کرکٹ ٹیم کے 2 وارم اپ میچز ویسٹ انڈیز اور جنوبی افریقہ سے شیڈول ہیں۔

بشکریہ جنگ