سوشل میڈیا سائٹ ٹوئٹر کے نئے سربراہ ایلون مسک نے اس مرتبہ ملازمین کو نوکری سے نکال کر نہیں بلکہ اپنا وزن کم کر کے لوگوں کو حیران کردیا۔
غیرملکی میڈیا کے مطابق ٹوئٹر پر ایک خاتون نے ایلون مسک کی تعریف کرتے ہوئے لکھا کہ آپ نے بہت سارا وزن کم کرلیا ہے۔
خاتون نے اپنی پوسٹ کے ساتھ ایلون مسک کی پرانی اور نئی تصویر بھی شیئر کی۔
ارب پتی تاجر ایلون مسک نے خاتون کو جواب دیا کہ میں نے 13 کلو وزن کم کیا ہے۔
ٹوئٹر پر خاتون کی جانب سے شیئر کی گئی ایلون مسک کی تصاویر کو دیکھ کر کئی لوگوں نے حیرانی کا اظہار کیا اور وہ ٹوئٹر کے سربراہ سے اس سے متعلق سوال پوچھے بغیر نہ رہ سکے۔
ایلون مسک نے بھی اپنے وزن کم کرنے کے سفر کو لوگوں کے ساتھ شیئر کرتے ہوئے بتایا کہ میں نے مزیدار کھانوں کو محدود کیا، کھانوں کے درمیان طویل وقفہ اور ذیابیطس کی دواؤں کے ذریعے ایسا کیا۔
ٹوئٹر سربراہ کی جانب سے وزن کم کرنے سے متعلق بتانے پر لوگوں نے ان کی تعریف بھی کی۔
رپورٹس کے مطابق ایلون مسک نے اگست میں اپنی طرز زندگی میں تبدیلی کرنے کے حوالے سے ٹوئٹ کی تھی۔
Comments are closed.