وکلا کی جانب سے حملے کے 3 دن بعد عدالتیں کھل گئیں

وکلا کی جانب سے اسلام آباد ہائی کورٹ پر کیے گئے حملے کے تین دن بعد وفاقی دارالحکومت میں عدالتیں کھل گئیں۔

ذرائع ابلاغ کے مطابق اسلام آباد ہائی کورٹ کے چیف جسٹس اطہر من اللہ کی عدالت کے باہر رینجرز اور پولیس بھاری نفری تعینات کردی گئی۔ جب کہ عدالتوں کے باہر سکیورٹی کے سخت انتظامات کیے گئے۔

اسلام آباد ہائی کورٹ میں غیر متعلقہ افراد کا داخلہ بند ہے۔ ہائی کورٹ میں صرف متعلقہ افراد کو مکمل چیکنگ کے بعد داخلے کی اجازت دی جا رہی ہے۔

دوسری جانب اسلام آباد ہائی کورٹ بار نے آج مکمل ہڑتال کی کال دے رکھی ہے۔ بار نے آج عدالتوں کے بائیکورٹ کا اعلان کردیا ہے۔

اسلام آباد ہائی کورٹ بار کا کہنا ہے کہ جو وکیل عدالت میں پیش ہوا اس کے خلاف کارروائی ہوگی۔

The post وکلا کی جانب سے حملے کے 3 دن بعد عدالتیں کھل گئیں appeared first on Urdu News – Today News – Daily Jasarat News.

بشکریہ جسارت